தீபாவளி(லி)

 

 

இன்னேரம் கொடுக்காப்புளி மரத்திலிருந்து சில கிளிகள் பேசிக்கொண்டிருக்கும். தென்னையின் மட்டையில் ஊர்ந்து வாலை உயர்த்தி உயர்த்தி அணில்கள் பாட்டுக்குப் பாட்டு விளையாடும். வழக்கமாய் பெரிய நெல்லி மரத்தில் புனில்கள் அங்குமிங்கும் தாவிக்கொண்டு இருக்கும். எப்படியும் எங்கிருந்தாவது காக்கைகள் கரைந்து கொண்டிருக்கும். நேற்றிரவு பெய்த மழையின் ஈரம் மீது காயும் வெயிலில் சிட்டுக்குருவிகள் துள்ளிக் கொண்டிருக்கும். எதையும் காணோம். ஒரே பட்டாசுச் சத்தம். ஒரே கருமருந்து வாசம்.