போதை!

கால்கள் தென்ன, அங்குமிங்கும் நடந்து, காற்றை பிடித்தபடியே  பொத்தென விழுவார்கள்.  பேசுவதை நிறுத்தி, ஒருமாதிரியாய் அடங்கிப்போய் இருந்து, தாங்கமுடியாமல் குபீரென வாந்தி எடுத்து அதன் மீதே விழுவார்கள். போகிற வருகிறவர்களையெல்லாம் வம்புக்கிழுத்து, சண்டித்தனங்கள் செய்து பெரும் வீரனாய்க் கருதியபடியே விழுவார்கள். போதையில் மயங்கிக் கிடந்த பலரையும் பார்த்த்துண்டு.

“இப்படியா அளவுக்கு மீறி.” என்று அந்த நேரம் பார்த்துக் கொண்டிருந்தவர்கள் தலையிலடிப்பார்கள். யாராவது தண்ணிர் தெளிப்பார்கள். பாதையில் கிடந்தால் ஓரமாய் ஒதுக்கிப் போடுவார்கள். மண்ணில் ஒருவன் அலங்கோலமாய் விழுந்து கிடக்க, எல்லோரும் அவர்கள் பாட்டுக்கு நடமாடிக்கொண்டிருப்பார்கள். தெருவில், சாலையில் வழக்கமாய் இவைகளைப் பார்த்ததுண்டு.

போதை தெளிந்து, அவனாகவே எழுந்து செல்கிற ஒருவனை இன்னும் பார்க்கவில்லை.