மொத்தமுள்ள 90 கோடி வாக்காளர்களில், 13 கோடி பேரின் வாக்குகளைத் திருடிய தலைமைத் தேர்தல் அதிகாரி ஞானேஷ்குமாரைக் காப்பாற்றுவதற்காக மோடியின் பாஜக அரசு இத்தனை நடவடிக்கைகளையும் எடுத்திருக்கிறது. அமைதியான முறையில் ஜந்தர் மந்தரில் கூடி குரல் எழுப்புவதைத் தடுக்கத்தான் இத்தனை அராஜகத்தையும் அரங்கேற்றியிருக்கிறது.
சர்வ வல்லமை பொருந்திய மோடியும், சகல அதிகாரம் கொண்ட அரசும் அச்சத்தில் ஆடிப் போயிருப்பது தெரிகிறது. ஏனென்றால் போராடுகிறவர்கள் - அவர்களை நோக்கி விரல் சுட்டுகிறவர்கள் – யாரென்றால் இந்த தேசத்தின் இளைஞர்கள். அரசின் அத்தனை தடைகளையும், மிரட்டல்களையும், நடவடிக்கைகளையும் மீறி டெல்லியின் பல பகுதிகளில் இளைஞர்கள் அணி அணியாய் கூடிக்கொண்டு இருக்கிறனர். அவர்கள் கூடும் இடமெல்லாம் ஜந்தர் மந்தர்களாகின்றன.
இளம் தலைமுறை விழித்துக் கொண்டதுதான் இப்போது ஆட்சியாளர்களை நடுக்கமுறச் செய்திருக்கிறது.
அந்தத் தலைமுறைக்கு இந்த விழிப்புணர்வும், போர்க்குணமும் வந்து விடக் கூடாது என்றுதான் விஜய் போன்றவர்களுக்கு ஆளும் வர்க்கம் ‘கியூட்டாக’ பிம்பம் கட்டி விடுகின்றன. இதையும் சேர்த்துத்தான் இந்த தருணத்தில் யோசிக்க வேண்டி இருக்கிறது.

நல்ல பதிவு
ReplyDeleteவருகைக்கும், கருத்துக்கும் நன்றி. தங்கள் பெயர் தெரிவிக்கலாமா?
Delete