இந்தியாவின் பிக்காஸோ

“எப்பேர்ப்பட்ட ஓவியர் அவர்” என்றன அவரது தூரிகையிலிருந்து வெளிப்பட்ட கோடுகளும், வண்ணங்களும். 

“இல்லை. அவர் எம்.எஃப்.உசேன்” என்றனர் அவர்கள்.  

“இந்த மண்ணின் துகள்களிருந்து வேர் பிடித்து வந்த நான், இந்த தேசத்தின் புதல்வன்” என்று மன்றாடினார் அவர். 

“இல்லை. நீ எம்.எஃப் உசேன் மட்டுமே” என்று கல்லெறிந்தார்கள், நாடு கடத்தினார்கள் அவர்கள்.  

“இந்தியாவின் பிகாஸோ அவர்” என்கிறது உலகம் இன்று. 

வாயடைத்து நிற்கிறார்கள் அவர்கள்.  

விழுந்து கிடக்கும் அவரது தூரிகையை எடுத்து, தன் எலும்பாகவோ, இறகாகவோ வைத்துக்கொள்ள ஆசைப்பட்டு தரையிறங்குகிறது ஒரு வண்ணப்பறவை. 

(இன்று காலமாகியிருக்கும் உலகப்புகழ் பெற்ற அந்த இந்திய ஓவியருக்கு தீராத பக்கங்களின் அஞ்சலி!)

மேலும் படிக்க:

1. அப்படி என்ன வரைந்துவிட்டார் ஓவியர் உசேன்?

2. ஓவியர் உசேன்: இந்துமத வெறியாட்டமும் ஒத்து ஊதும் காங்கிரஸும்