மூன்று கவிதைகள் ஒரே குரலில்!

இந்த மூன்று கவிதைகளும், வெவ்வேறு கவிஞர்களால், வெவ்வேறு தருணங்களில் வெவ்வேறு பொருளில் எழுதப்பட்டவை. ஆனால் ஒரே குரலில் ஒரே தொனியில் ஒலிக்கின்றன. படித்துப் பாருங்கள்.

~~~~~~~~~

இதோ நீளமாக வளர்ந்திருக்கிறதே கோட்டைச்சுவர்
இங்கே ஒருகாலத்தில் கார்கள் செய்யப்பட்டன
பத்தாயிரம் கைகள் வேலை செய்தன
இன்று ஒருச் சின்னப் பூட்டு
இந்தப் பெரிய கதவைக் கடித்துக் கொண்டிருக்கிறது
ஆச்சு... நாலாயிரத்துச் சொச்சம் இரவுகள்
சூரியனுக்கு இது ரொம்பச் சவுகரியம்
இருட்டானதும்
இந்தக் கம்பெனிக்கு உள்ளே வந்து
அது படுத்துக் கொள்கிறது.

- நாட்டுப்பூக்கள் சுயம்பு

~~~~~~~~~

முன்னொரு காலத்தில்
இங்கே ஒரு கிராமம் இருந்தது
அந்த நாட்களில்
நிலமும் காற்றும் வானமும்
இங்கே மக்களால் நிரம்பி இருந்தது
அவர்களின் சிரிப்பு, கவலைகள்,
பெருமூச்சுக்கள், பாடல்கள் இவற்றை
நீ கேட்டு இருக்கலாம்
காற்றில் நீந்தும் பச்சை இலைகள்
கனிகொத்திச் சிதறும் கிளிக்கூட்டம்
ஆண்பேடைகளின் காதல் கீச்சொலிகள்
நீ அறிந்திருக்கலாம்
முன்னொரு காலத்தில்
ஆனந்த அலைகளில்
தங்கமாய் தானியமணிகள் நடனமாடின
நீ பார்த்திருக்கலாம்.

-நக்னமுனி

~~~~~~~~~

என் தாத்தா
வெள்ளப் பெருக்கென பார்த்தார்

தந்தையோ
ஆற்று நீராக பார்த்தார்

நானோ
அடிகுழாயில் பார்த்தேன்

என் மகனோ
பிளாஸ்டிக் பாட்டிலில் பார்க்கிறான்.

-அமிர்தலிங்கம்